מזמור שיר ליום השבת, תושבחתא דא, אדם הראשון קאמר לה, בשעתא דאתתרך מגנתא דעדן, ואתא שבת ואגין עליה. ואוקמוה חברייא, תושבחתא דא, עלמא תתאה קא משבח לגבי עלמא עלאה, יומא דאיהו כולו שבת, מלכא, דשלמא דיליה. ודא איהו מזמור שיר, ולא כתיב מאן קאמר ליה, כמה דאוקימנא.
ליום השבת, יומא עלאה, שבת עלאה. דא שבת ודא שבת, מה בין האי להאי. אלא, שבת סתם, דא שבת דמעלי שבתא. יום השבת, דא שבת דלעילא. דא יום, ודא לילה. ושמרו בני ישראל את השבת, הא ליליא, רזא דנוקבא. זכור את יום השבת, הא יום, רזא דדכורא. ובגין כך מזמור שיר ליום השבת.
ואשכחן בכמה אתר, דעלמא תתאה לא סליק בשמא, ואתיא סתם, כגון האי, וכגון ויקרא אל משה, וכגון ואל משה אמר עלה אל יי'. כלהו סתים שמא, ולא סליק ביה. בגין דאית ביה דרגא עלאה, ולגבי דרגא עלאה איהו לא סליק בשמא. נהורא דשרגא, לא סליק ביממא, בנהורא דשמשא, וע"ד לא סליק בשמא. וכל אלין תושבחן, דשבת, דאיהי כבוד יום, איהו תושבחתא עלאה, על כל שאר יומין.
El estudiante lee sin distracciones; al tocar un pasaje abre comentarios, Rashí, Onkelos, notas privadas, preguntas, tarjetas y progreso guardado.
3
Pasajes
0%
ES
0
Refs
0
Guardado
ספר הזהר, תרומה כ״א
Aula de estudio · Bet Midrash Online
Haz clic sobre cualquier pasaje para subrayar, preguntar, guardar nota, abrir Rashí/Onkelos o crear repaso.
Texto hebreo: dominio público
Estado de la traducción: Todavía sin traducción española — disponible en hebreo.
