Zohar, Vayeshev 15:1
וירא שם יהודה בת איש כנעני. וכי כנעני הוה, אלא הא אוקמוה חברייא. ותהר ותלד בן ויקרא את שמו ער, תלת בנין הוו ליה ליהודה, ולא אשתארו מנייהו בר חד, ודא הוא שלה.
וירא שם יהודה בת איש כנעני. וכי כנעני הוה, אלא הא אוקמוה חברייא. ותהר ותלד בן ויקרא את שמו ער, תלת בנין הוו ליה ליהודה, ולא אשתארו מנייהו בר חד, ודא הוא שלה.
רבי אלעזר, ורבי יוסי, ורבי חייא, הוו אזלי בארחא. אמר רבי יוסי לרבי אלעזר, אמאי כתיב בבנוי דיהודה בקדמאה, ויקרא את שמו ער, ובתרין אחרנין כתיב, ותקרא את שמו אונן, ותקרא את שמו שלה
א"ל תא חזי, האי פרשתא רזא עלאה איהו, וכלא איהו כדקא חזי. וירד יהודה מאת אחיו, דהא אתכסיא סיהרא, ונחתת מדרגא דתקנא, לגו דרגא אוחרא דאתחבר ביה חויא, כד"א ויט עד איש עדלמי ושמו חירה.
ותהר ותלד בן ויקרא את שמו ער, ואיהו רע, וכלא חד, דאתיא מסטרא דיצר הרע. ובגין כך כתיב, ויקרא את שמו, ולא כתיב ויקרא שמו ביעקב כתיב, ויקרא שמו, דקב"ה קרא ליה יעקב, והכא א"ת, לאסגאה דרגא אחרא דזוהמא דמסאבא אתיליד, ודא הוא ער רע, וכלא חד.
לבתר לא אתבסם אתרא, עד דאתא שלה, דהוה עקרא דכלהו. מה כתיב ויהי ער בכר יהודה רע בעיני ה', כתיב הכא רע, וכתיב התם, כי יצר לב האדם רע מנעוריו, רע: דאושיד דמין, אושיד זרעא על ארעא, ובגין כך וימיתהו ה', מה כתיב בתריה, ויאמר יהודה לאונן בא אל אשת אחיך וגו'.
El estudiante lee sin distracciones; al tocar un pasaje abre comentarios, Rashí, Onkelos, notas privadas, preguntas, tarjetas y progreso guardado.
5
Pasajes
0%
ES
0
Refs
0
Guardado
ספר הזהר, וישב ט״ו
Aula de estudio · Bet Midrash Online
Haz clic sobre cualquier pasaje para subrayar, preguntar, guardar nota, abrir Rashí/Onkelos o crear repaso.
Texto hebreo: dominio público
Estado de la traducción: Todavía sin traducción española — disponible en hebreo.