וַיְהִ֣י הַגּוֹרָ֗ל לְמַטֵּ֛ה בְּנֵ֥י יְהוּדָ֖ה לְמִשְׁפְּחֹתָ֑ם אֶל־גְּב֨וּל אֱד֧וֹם מִדְבַּר־צִ֛ן נֶ֖גְבָּה מִקְצֵ֥ה תֵימָֽן׃
La suerte para la tribu de los hijos de Yehudá, según sus familias, llegó hasta la frontera de Edom, al desierto de Tzin, hacia el Néguev, en el extremo sur.
וַיְהִ֤י לָהֶם֙ גְּב֣וּל נֶ֔גֶב מִקְצֵ֖ה יָ֣ם הַמֶּ֑לַח מִן־הַלָּשֹׁ֖ן הַפֹּנֶ֥ה נֶֽגְבָּה׃
Su frontera sur fue desde el extremo del mar de la Sal, desde la lengua que mira hacia el sur.
וְ֠יָצָ֠א אֶל־מִנֶּ֜גֶב לְמַעֲלֵ֤ה עַקְרַבִּים֙ וְעָ֣בַר צִ֔נָה וְעָלָ֥ה מִנֶּ֖גֶב לְקָדֵ֣שׁ בַּרְנֵ֑עַ וְעָבַ֤ר חֶצְרוֹן֙ וְעָלָ֣ה אַדָּ֔רָה וְנָסַ֖ב הַקַּרְקָֽעָה׃
Salía hacia el sur de Maalé Akrabim, pasaba hacia Tzin, subía al sur de Kadesh Barnea, pasaba por Jetzrón, subía a Adar y giraba hacia Karká.
וְעָבַ֣ר עַצְמ֗וֹנָה וְיָצָא֙ נַ֣חַל מִצְרַ֔יִם (והיה) תֹּצְא֥וֹת הַגְּב֖וּל יָ֑מָּה זֶה־יִֽהְיֶ֥ה לָכֶ֖ם גְּב֥וּל נֶֽגֶב׃
Pasaba por Atzmón, salía al arroyo de Mitzráim, y las salidas de la frontera eran hacia el mar. Esta será para ustedes la frontera del sur.
וּגְב֥וּל קֵ֙דְמָה֙ יָ֣ם הַמֶּ֔לַח עַד־קְצֵ֖ה הַיַּרְדֵּ֑ן וּגְב֞וּל לִפְאַ֤ת צָפ֙וֹנָה֙ מִלְּשׁ֣וֹן הַיָּ֔ם מִקְצֵ֖ה הַיַּרְדֵּֽן׃
La frontera oriental era el mar de la Sal hasta el extremo del Yardén. Y la frontera del lado norte era desde la lengua del mar, en el extremo del Yardén.
וְעָלָ֤ה הַגְּבוּל֙ בֵּ֣ית חׇגְלָ֔ה וְעָבַ֕ר מִצְּפ֖וֹן לְבֵ֣ית הָעֲרָבָ֑ה וְעָלָ֣ה הַגְּב֔וּל אֶ֥בֶן בֹּ֖הַן בֶּן־רְאוּבֵֽן׃
La frontera subía a Beit Joglá, pasaba al norte de Beit HaAravá, y subía la frontera a la piedra de Bohán hijo de Reuvén.
וְעָלָ֨ה הַגְּב֥וּל ׀ דְּבִ֘רָה֮ מֵעֵ֣מֶק עָכוֹר֒ וְצָפ֜וֹנָה פֹּנֶ֣ה אֶל־הַגִּלְגָּ֗ל אֲשֶׁר־נֹ֙כַח֙ לְמַעֲלֵ֣ה אֲדֻמִּ֔ים אֲשֶׁ֥ר מִנֶּ֖גֶב לַנָּ֑חַל וְעָבַ֤ר הַגְּבוּל֙ אֶל־מֵי־עֵ֣ין שֶׁ֔מֶשׁ וְהָי֥וּ תֹצְאֹתָ֖יו אֶל־עֵ֥ין רֹגֵֽל׃
Luego la frontera subía a Devir desde el valle de Ajor, y hacia el norte miraba hacia Guilgal, que está frente a Maalé Adumim, al sur del arroyo; la frontera pasaba hacia las aguas de Ein Shemesh y sus salidas eran hacia Ein Roguel.
וְעָלָ֨ה הַגְּב֜וּל גֵּ֣י בֶן־הִנֹּ֗ם אֶל־כֶּ֤תֶף הַיְבוּסִי֙ מִנֶּ֔גֶב הִ֖יא יְרוּשָׁלָ֑͏ִם וְעָלָ֨ה הַגְּב֜וּל אֶל־רֹ֣אשׁ הָהָ֗ר אֲ֠שֶׁ֠ר עַל־פְּנֵ֤י גֵֽי־הִנֹּם֙ יָ֔מָּה אֲשֶׁ֛ר בִּקְצֵ֥ה עֵמֶק־רְפָאִ֖ים צָפֽוֹנָה׃
La frontera subía por el valle de Ben Hinom hacia la ladera sur del yevusí, que es Yerushaláim; y subía la frontera a la cima del monte que está frente al valle de Hinom, hacia el occidente, al extremo norte del valle de Refaim.
וְתָאַ֨ר הַגְּב֜וּל מֵרֹ֣אשׁ הָהָ֗ר אֶל־מַעְיַן֙ מֵ֣י נֶפְתּ֔וֹחַ וְיָצָ֖א אֶל־עָרֵ֣י הַר־עֶפְר֑וֹן וְתָאַ֤ר הַגְּבוּל֙ בַּעֲלָ֔ה הִ֖יא קִרְיַ֥ת יְעָרִֽים׃
La frontera se extendía desde la cima del monte hasta la fuente de Mei Neftóaj, salía hacia las ciudades del monte Efrón, y se extendía hasta Baalá, que es Kiriat Yearim.
וְנָסַב֩ הַגְּב֨וּל מִבַּעֲלָ֥ה יָ֙מָּה֙ אֶל־הַ֣ר שֵׂעִ֔יר וְעָבַ֞ר אֶל־כֶּ֧תֶף הַר־יְעָרִ֛ים מִצָּפ֖וֹנָה הִ֣יא כְסָל֑וֹן וְיָרַ֥ד בֵּֽית־שֶׁ֖מֶשׁ וְעָבַ֥ר תִּמְנָֽה׃
La frontera giraba desde Baalá hacia el occidente, al monte Seír, pasaba hacia la ladera norte del monte Yearim, que es Kesalón, descendía a Beit Shemesh y pasaba por Timná.
וְיָצָ֨א הַגְּב֜וּל אֶל־כֶּ֣תֶף עֶקְרוֹן֮ צָפ֒וֹנָה֒ וְתָאַ֤ר הַגְּבוּל֙ שִׁכְּר֔וֹנָה וְעָבַ֥ר הַר־הַֽבַּעֲלָ֖ה וְיָצָ֣א יַבְנְאֵ֑ל וְהָי֛וּ תֹּצְא֥וֹת הַגְּב֖וּל יָֽמָּה׃
La frontera salía hacia la ladera norte de Ekrón, se extendía hacia Shikrón, pasaba por el monte Baalá, salía a Yavneel, y las salidas de la frontera eran hacia el mar.
וּגְב֣וּל יָ֔ם הַיָּ֥מָּה הַגָּד֖וֹל וּגְב֑וּל זֶ֠ה גְּב֧וּל בְּנֵֽי־יְהוּדָ֛ה סָבִ֖יב לְמִשְׁפְּחֹתָֽם׃
La frontera occidental era el mar Grande y su costa. Esta fue la frontera de los hijos de Yehudá alrededor, según sus familias.
וּלְכָלֵ֣ב בֶּן־יְפֻנֶּ֗ה נָ֤תַן חֵ֙לֶק֙ בְּת֣וֹךְ בְּנֵֽי־יְהוּדָ֔ה אֶל־פִּ֥י יְהֹוָ֖ה לִיהוֹשֻׁ֑עַ אֶת־קִרְיַ֥ת אַרְבַּ֛ע אֲבִ֥י הָעֲנָ֖ק הִ֥יא חֶבְרֽוֹן׃
A Kalev hijo de Yefuné le dio una parte en medio de los hijos de Yehudá, conforme al mandato de Adonái a Yehoshúa: Kiriat Arba, padre de Anak, que es Jevrón.
וַיֹּ֤רֶשׁ מִשָּׁם֙ כָּלֵ֔ב אֶת־שְׁלוֹשָׁ֖ה בְּנֵ֣י הָעֲנָ֑ק אֶת־שֵׁשַׁ֤י וְאֶת־אֲחִימַן֙ וְאֶת־תַּלְמַ֔י יְלִידֵ֖י הָעֲנָֽק׃
Kalev expulsó de allí a los tres hijos de Anak: Sheshai, Ajimán y Talmai, descendientes de Anak.
וַיַּ֣עַל מִשָּׁ֔ם אֶל־יֹשְׁבֵ֖י דְּבִ֑ר וְשֵׁם־דְּבִ֥ר לְפָנִ֖ים קִרְיַת־סֵֽפֶר׃
Desde allí subió contra los habitantes de Devir; el nombre de Devir antiguamente era Kiriat Séfer.
וַיֹּ֣אמֶר כָּלֵ֔ב אֲשֶׁר־יַכֶּ֥ה אֶת־קִרְיַת־סֵ֖פֶר וּלְכָדָ֑הּ וְנָתַ֥תִּי ל֛וֹ אֶת־עַכְסָ֥ה בִתִּ֖י לְאִשָּֽׁה׃
Y Kalev dijo: “Al que hiera a Kiriat Séfer y la capture, le daré a mi hija Ajsá por esposa”.
וַֽיִּלְכְּדָ֛הּ עׇתְנִיאֵ֥ל בֶּן־קְנַ֖ז אֲחִ֣י כָלֵ֑ב וַיִּתֶּן־ל֛וֹ אֶת־עַכְסָ֥ה בִתּ֖וֹ לְאִשָּֽׁה׃
Otniel hijo de Kenaz, hermano de Kalev, la capturó; y él le dio a Ajsá, su hija, por esposa.
וַיְהִ֣י ׀ בְּבוֹאָ֗הּ וַתְּסִיתֵ֙הוּ֙ לִשְׁא֤וֹל מֵאֵת־אָבִ֙יהָ֙ שָׂדֶ֔ה וַתִּצְנַ֖ח מֵעַ֣ל הַחֲמ֑וֹר וַיֹּֽאמֶר־לָ֥הּ כָּלֵ֖ב מַה־לָּֽךְ׃
Y sucedió que, al venir ella, lo persuadió para pedir a su padre un campo; luego se bajó del asno, y Kalev le dijo: “¿Qué tienes?”.
וַתֹּ֜אמֶר תְּנָה־לִּ֣י בְרָכָ֗ה כִּ֣י אֶ֤רֶץ הַנֶּ֙גֶב֙ נְתַתָּ֔נִי וְנָתַתָּ֥ה לִ֖י גֻּלֹּ֣ת מָ֑יִם וַיִּתֶּן־לָ֗הּ אֵ֚ת גֻּלֹּ֣ת עִלִּיּ֔וֹת וְאֵ֖ת גֻּלֹּ֥ת תַּחְתִּיּֽוֹת׃
Ella dijo: “Dame una bendición, pues me has dado tierra del Néguev; dame también fuentes de agua”. Entonces él le dio las fuentes superiores y las fuentes inferiores.
זֹ֗את נַחֲלַ֛ת מַטֵּ֥ה בְנֵֽי־יְהוּדָ֖ה לְמִשְׁפְּחֹתָֽם׃
Esta fue la heredad de la tribu de los hijos de Yehudá según sus familias.
וַיִּֽהְי֣וּ הֶֽעָרִ֗ים מִקְצֵה֙ לְמַטֵּ֣ה בְנֵֽי־יְהוּדָ֔ה אֶל־גְּב֥וּל אֱד֖וֹם בַּנֶּ֑גְבָּה קַבְצְאֵ֥ל וְעֵ֖דֶר וְיָגֽוּר׃
Las ciudades del extremo de la tribu de los hijos de Yehudá, hacia la frontera de Edom, en el Néguev, fueron: Kavtzeel, Eder y Yagur.
וְקִינָ֥ה וְדִימוֹנָ֖ה וְעַדְעָדָֽה׃
Kiná, Dimoná y Adadá.
וְקֶ֥דֶשׁ וְחָצ֖וֹר וְיִתְנָֽן׃
Kédesh, Jatzor e Itnán.
זִ֥יף וָטֶ֖לֶם וּבְעָלֽוֹת׃
Zif, Télem y Bealot.
וְחָצ֤וֹר ׀ חֲדַתָּה֙ וּקְרִיּ֔וֹת חֶצְר֖וֹן הִ֥יא חָצֽוֹר׃
Jatzor Jadatá y Keriot Jetzrón, que es Jatzor.
אֲמָ֥ם וּשְׁמַ֖ע וּמוֹלָדָֽה׃
Amam, Shemá y Moladá.
וַחֲצַ֥ר גַּדָּ֛ה וְחֶשְׁמ֖וֹן וּבֵ֥ית פָּֽלֶט׃
Jatzar Gadá, Jeshmón y Beit Pélet.
וַחֲצַ֥ר שׁוּעָ֛ל וּבְאֵ֥ר שֶׁ֖בַע וּבִזְיוֹתְיָֽה׃
Jatzar Shual, Beer Sheva y Bizyoteyá.
בַּעֲלָ֥ה וְעִיִּ֖ים וָעָֽצֶם׃
Baalá, Iyim y Atzem.
וְאֶלְתּוֹלַ֥ד וּכְסִ֖יל וְחׇרְמָֽה׃
Eltolad, Kesil y Jormá.
וְצִֽקְלַ֥ג וּמַדְמַנָּ֖ה וְסַנְסַנָּֽה׃
Tziklag, Madmaná y Sansaná.
וּלְבָא֥וֹת וְשִׁלְחִ֖ים וְעַ֣יִן וְרִמּ֑וֹן כׇּל־עָרִ֛ים עֶשְׂרִ֥ים וָתֵ֖שַׁע וְחַצְרֵיהֶֽן׃
Levaot, Shiljim, Ain y Rimón; todas las ciudades fueron veintinueve, con sus aldeas.
בַּשְּׁפֵלָ֑ה אֶשְׁתָּא֥וֹל וְצׇרְעָ֖ה וְאַשְׁנָֽה׃
En la Sefelá: Eshtaol, Tzorá y Ashná.
וְזָנ֙וֹחַ֙ וְעֵ֣ין גַּנִּ֔ים תַּפּ֖וּחַ וְהָעֵינָֽם׃
Zanóaj, Ein Ganím, Tapúaj y HaEinam.
יַרְמוּת֙ וַֽעֲדֻלָּ֔ם שׂוֹכֹ֖ה וַעֲזֵקָֽה׃
Yarmut, Adulam, Sojó y Azeká.
וְשַׁעֲרַ֙יִם֙ וַֽעֲדִיתַ֔יִם וְהַגְּדֵרָ֖ה וּגְדֵרֹתָ֑יִם עָרִ֥ים אַרְבַּֽע־עֶשְׂרֵ֖ה וְחַצְרֵיהֶֽן׃
Shaaráim, Aditáim, HaGderá y Gderotáim; catorce ciudades con sus aldeas.
צְנָ֥ן וַחֲדָשָׁ֖ה וּמִגְדַּל־גָּֽד׃
Tzenán, Jadashá y Migdal Gad.
וְדִלְעָ֥ן וְהַמִּצְפֶּ֖ה וְיׇקְתְאֵֽל׃
Dilean, HaMitzpé y Yokteel.
לָכִ֥ישׁ וּבׇצְקַ֖ת וְעֶגְלֽוֹן׃
Lajish, Botzkat y Eglón.
וְכַבּ֥וֹן וְלַחְמָ֖ס וְכִתְלִֽישׁ׃
Kabón, Lajmás y Kitlish.
וּגְדֵר֕וֹת בֵּית־דָּג֥וֹן וְנַעֲמָ֖ה וּמַקֵּדָ֑ה עָרִ֥ים שֵׁשׁ־עֶשְׂרֵ֖ה וְחַצְרֵיהֶֽן׃
Gderot, Beit Dagón, Naamá y Makedá; dieciséis ciudades con sus aldeas.
לִבְנָ֥ה וָעֶ֖תֶר וְעָשָֽׁן׃
Livná, Éter y Ashán.
וְיִפְתָּ֥ח וְאַשְׁנָ֖ה וּנְצִֽיב׃
Yiftaj, Ashná y Netziv.
וּקְעִילָ֥ה וְאַכְזִ֖יב וּמָֽרֵאשָׁ֑ה עָרִ֥ים תֵּ֖שַׁע וְחַצְרֵיהֶֽן׃
Keilá, Ajziv y Mareshá; nueve ciudades con sus aldeas.
עֶקְר֥וֹן וּבְנֹתֶ֖יהָ וַחֲצֵרֶֽיהָ׃
Ekrón, sus pueblos dependientes y sus aldeas.
מֵעֶקְר֖וֹן וָיָ֑מָּה כֹּ֛ל אֲשֶׁר־עַל־יַ֥ד אַשְׁדּ֖וֹד וְחַצְרֵיהֶֽן׃
Desde Ekrón hasta el mar, todo lo que está junto a Ashdod y sus aldeas.
אַשְׁדּ֞וֹד בְּנוֹתֶ֣יהָ וַחֲצֵרֶ֗יהָ עַזָּ֛ה בְּנוֹתֶ֥יהָ וַחֲצֵרֶ֖יהָ עַד־נַ֣חַל מִצְרָ֑יִם וְהַיָּ֥ם (הגבול) וּגְבֽוּל׃
Ashdod, sus pueblos dependientes y sus aldeas; Gaza, sus pueblos dependientes y sus aldeas, hasta el arroyo de Mitzráim, y el mar Grande y su frontera.
וּבָהָ֑ר שָׁמִ֥יר וְיַתִּ֖יר וְשׂוֹכֹֽה׃
En la montaña: Shamir, Yatir y Sojó.
וְדַנָּ֥ה וְקִרְיַת־סַנָּ֖ה הִ֥יא דְבִֽר׃
Daná y Kiriat Saná, que es Devir.
וַעֲנָ֥ב וְאֶשְׁתְּמֹ֖ה וְעָנִֽים׃
Anav, Eshtemó y Anim.
וְגֹ֥שֶׁן וְחֹלֹ֖ן וְגִלֹ֑ה עָרִ֥ים אַחַת־עֶשְׂרֵ֖ה וְחַצְרֵיהֶֽן׃
Goshen, Jolón y Guiló; once ciudades con sus aldeas.
אֲרַ֥ב וְרוּמָ֖ה וְאֶשְׁעָֽן׃
Arav, Dumá y Eshan.
(וינים) וּבֵית־תַּפּ֖וּחַ וַאֲפֵֽקָה׃
Yanum, Beit Tapúaj y Afeká.
וְחֻמְטָ֗ה וְקִרְיַ֥ת אַרְבַּ֛ע הִ֥יא חֶבְר֖וֹן וְצִיעֹ֑ר עָרִ֥ים תֵּ֖שַׁע וְחַצְרֵיהֶֽן׃
Jumtá, Kiriat Arba, que es Jevrón, y Tzior; nueve ciudades con sus aldeas.
מָע֥וֹן ׀ כַּרְמֶ֖ל וָזִ֥יף וְיוּטָּֽה׃
Maón, Karmel, Zif y Yutá.
וְיִזְרְעֶ֥אל וְיׇקְדְעָ֖ם וְזָנֽוֹחַ׃
Yizreel, Yokdeam y Zanóaj.
הַקַּ֖יִן גִּבְעָ֣ה וְתִמְנָ֑ה עָרִ֥ים עֶ֖שֶׂר וְחַצְרֵיהֶֽן׃
Hakáin, Guivá y Timná; diez ciudades con sus aldeas.
חַלְח֥וּל בֵּֽית־צ֖וּר וּגְדֽוֹר׃
Jaljul, Beit Tzur y Gdor.
וּמַעֲרָ֥ת וּבֵית־עֲנ֖וֹת וְאֶלְתְּקֹ֑ן עָרִ֥ים שֵׁ֖שׁ וְחַצְרֵיהֶֽן׃
Maarat, Beit Anot y Eltekón; seis ciudades con sus aldeas.
קִרְיַת־בַּ֗עַל הִ֛יא קִרְיַ֥ת יְעָרִ֖ים וְהָרַבָּ֑ה עָרִ֥ים שְׁתַּ֖יִם וְחַצְרֵיהֶֽן׃
Kiriat Baal, que es Kiriat Yearim, y HaRabá; dos ciudades con sus aldeas.
בַּמִּדְבָּ֑ר בֵּ֚ית הָעֲרָבָ֔ה מִדִּ֖ין וּסְכָכָֽה׃
En el desierto: Beit HaAravá, Midín y Sejajá.
וְהַנִּבְשָׁ֥ן וְעִיר־הַמֶּ֖לַח וְעֵ֣ין גֶּ֑דִי עָרִ֥ים שֵׁ֖שׁ וְחַצְרֵיהֶֽן׃
Nivshán, Ir HaMélaj y Ein Guedi; seis ciudades con sus aldeas.
וְאֶת־הַיְבוּסִי֙ יוֹשְׁבֵ֣י יְרוּשָׁלַ֔͏ִם לֹא־ (יוכלו) בְנֵי־יְהוּדָ֖ה לְהוֹרִישָׁ֑ם וַיֵּ֨שֶׁב הַיְבוּסִ֜י אֶת־בְּנֵ֤י יְהוּדָה֙ בִּיר֣וּשָׁלַ֔͏ִם עַ֖ד הַיּ֥וֹם הַזֶּֽה׃
Pero al yevusí, habitante de Yerushaláim, los hijos de Yehudá no pudieron expulsarlo; y el yevusí habitó con los hijos de Yehudá en Yerushaláim hasta el día de hoy.
El estudiante lee sin distracciones; al tocar un pasaje abre comentarios, Rashí, Onkelos, notas privadas, preguntas, tarjetas y progreso guardado.
0
Pasajes
0%
ES
0
Refs
0
Guardado
Iehoshúa 15
